मनमाड मालेगाव महामार्गावर टँकर ट्रकचा अपघात चारजण जखमी
मनमाड(अजहर शेख):- मनमाड मालेगाव महामार्गावर दहेगाव शिवारात ट्रक आणि टँकरची समोरासमोर धडक झाली या धडकेत टँकरमधील चारजण गंभीर जखमी झाले असुन त्यांना तात्काळ मनमाड उपजिल्हा रुग्णालयात दाखल करण्यात आले आहे.या अपघातात टॅंकरमधील पेट्रोल डिझेल मोठ्या प्रमाणावर वाहुन गेले हिंदुस्थान पेट्रोलियम कंपनीचा हा टँकर असल्याची माहिती समोर आली आहे मनमाड नजीक असलेल्या दहेगाव शिवारात हा अपघात झाला टॅंकर आणि युरियाच्या गाडीत समोरासमोर अपघात झाला होता.घटनेची माहिती मिळताच स्थानिक नागरिकांनी घटनास्थळी धाव घेऊन मदतकार्य सुरू केले व जखमींना बाहेर काढले.
याबाबत सविस्तर माहिती अशीकी मनमाड मालेगाव महामार्गावर दहेगाव शिवारात टॅंकर क्रमांक एम एच 41 ए जी 8043 व युरियाचा ट्रक यांच्यात समोरासमोर धडक झाली धडक इतकी जोरदार होती की या अपघातात टँकर मधील चार जण गंभीर जखमी झाले आहेत यातील एका जणांचे दोन्ही पाय यात अडकून गेले होते स्थानिक नागरिकांनी गाडीचे पत्रे तोडून जखमींना बाहेर काढले व उपचारासाठी त्यांना तात्काळ मनमाड उपजिल्हा रुग्णालयात दाखल करण्यात आले अपघातात टॅंकर मधील पेट्रोल डिझेल मोठ्या प्रमाणात वाया गेले सुरक्षेच्या दृष्टीने या महामार्गावरील वाहतूक काही काळ थांबवण्यात आली होती. आज मनमाड शहर परिसरात टॅंकरचे दोन अपघात झाले हिंदुस्थान पेट्रोलियम कंपनीच्या टँकरचा दहेगाव शिवारात तर भारत पेट्रोलियम कंपनीचा तांदूळवाडी शिवारात अपघात झाला आहे.आजच्या दोन्ही घटनेत मोठ्या प्रमाणात पेट्रोल डिझेल वाया गेले असल्याची माहिती समोर आली आहे.
टॅंकरमधून मोठ्या प्रमाणावर अवैध प्रवासी वाहतूक
मनमाड शहरातील भारत पेट्रोलियम इंडियन ऑइल हिंदुस्थान पेट्रोलियम व इंडेन गॅस या चार कंपनी आहेत येथून इंधन मोठ्या प्रमाणावर टँकरच्या माध्यमातून इंधन पुरवठा करण्यात येतो टॅंकर भरल्यानंतर टॅंकर चालक काही पैसे मिळावे यासाठी अवैध प्रवासी वाहतूक करतात यामुळे प्रवाशांच्या जीविताला धोका निर्माण होतो आजही तेच झाले दोन पैसे वाचवण्यासाठी नागरिक असा अवैध प्रवास करतात यामुळे त्यांना आपल्या जीवाला मुकावे लागते.
✍🏻मुख्य संपादक – अमीन नवाब शेख
