मनमाड(राजेंद्र धिंगाण) :- मनमाड नगरपालिका सेवकांची सहकारी पतसंस्था या संस्थेची वार्षिक सर्वसाधारण सभामनमाड नगरपालिकेच्या भारतरत्न डॉ. बाबासाहेब आंबेडकर सभागृहात पार पाडली. यावेळी मनमाड नगरीचे लोकनियुक्त नगराध्यक्ष योगेश (बबलू) पाटील यांची प्रमुख उपस्थिती लाभली. तज्ञ संचालक किरण आहेर यांनी नगराध्यक्ष योगेश पाटील यांना सभेचे अध्यक्षस्थान स्वीकारण्यास विनंती केली त्यास संचालक किशोर आहिरे यांनी अनुमोदन दिले. यावेळी मनमाड नगरपालिकेचे नगरसेवक तथा शिवसेना गटनेते महेंद्र शिरसाठ उपस्थित होते.यावेळी मागील वर्षाचे इतिवृत्त संस्थेचे सचिव भाऊसाहेब दखणे व संतोष भाबड यांनी वाचून प्रस्तावना करण्यात आली त्यास एकमताने मंजुरी देण्यात आली. सन 2025-26 या आर्थिक वर्षात रक्कम रुपये 65,31,932/- इतका नफा झालेला असून सभासदांना 10% लाभांश वाटण्यास एकमताने मंजुरी देण्यात आली. सन 2025-26 या वर्षाचे आर्थिक पत्रक वाचून मंजूर करण्यात आले. सन 2025-26 चे शासकीय लेखा परिक्षण अहवाल वाचन करण्यात आले. सन 2026-27 चे अंदाज पत्रकास मंजुरी देण्यात आली. पतसंस्थेमार्फत आकारण्यात येणाऱ्या व्याजदर 13% वरून 12% करण्यात आला. सन 2026-27 करता सभासद मेडिक्लेम पॉलिसी उतरवणे करता निर्णय घेण्यात आला. सन 2026-27 साठी लेखा परीक्षक यांची नेमणूक करणे कामी मंजुरी देण्यात आली. अध्यक्ष यांच्या परवानगीने आयत्या वेळेच्या विषया मध्ये संस्थेचे सभासदांनी भविष्याच्या दृष्टिकोनातून तसेच संस्थेच्या भागभांडवल मध्ये वाढ होणेकामी सभासदांनी मासिक वर्गणी मध्ये वाढ करण्याचे आवाहन चेअरमन तुषार बोराडे यांनी केले.यावेळी संस्थेचे संचालक सुभाष केदारे, नितीन पाटील, रविंद्र थोरे, प्रमोद सांगळे, किशोर व्यवहारे, यांच्या उपस्थितीत सभा पार पाडली. यावेळी संस्थेचे सभासद अनिल गवळी, मुक्तार शेख, मनोज मगर, जॉनी जॉर्ज, संजय चावरिया, सुरेश राऊत, संतोष जाधव, असलम शेख, संतोष चव्हाण, नारायण ईमले, रविंद्र खलसे, संजय आव्हाड, प्रतिभ करोसिया, शंकर बेद, संतोष सोनवणे, विनोद लोहरे, काशिनाथ भोये, संतोष पगारे, किशोर आव्हाड, संतोष हातगडी, विमा प्रतिनिधी अविनाश पारखे यासह संस्थेचे सभासद मोठ्या संख्येने उपस्थित होते. सभेची सांगता सामूहिक राष्ट्रगीताने करण्यात आली.
✍🏻मुख्य संपादक – अमीन नवाब शेख
