नाशिकमध्ये १६ ऑगस्टला राज्यस्तरीय स्नेहसंमेलन
पुणे (प्रतिनिधी ):- आम्ही भारताचे लोक – आंबेडकरी सांस्कृतिक चळवळ (महाराष्ट्र राज्य) यांच्या वतीने ८० वा स्वातंत्र्य दिन, महाकवी वामनदादा कर्डक जयंती आणि नाशिक जिल्हा स्नेहसंमेलनाच्या निमित्ताने रविवार, १६ ऑगस्ट २०२६ रोजी आयोजित कार्यक्रमात राज्यस्तरीय काव्यलेखन व निबंध स्पर्धेतील सर्व विजेते तसेच स्पर्धांसाठी बक्षिसांचे प्रायोजकत्व स्वीकारणाऱ्या मान्यवरांनी आवर्जून उपस्थित राहावे, असे आवाहन करण्यात आले आहे.या कार्यक्रमात स्पर्धेतील विजेत्यांचा सन्मानचिन्ह, प्रमाणपत्र व बक्षीस वितरण सोहळा पार पडणार आहे. तसेच हा कार्यक्रम केवळ बक्षीस वितरणापुरता मर्यादित नसून, आंबेडकरी साहित्यिक, सांस्कृतिक आणि संघटनात्मक कार्यकर्त्यांच्या स्नेहमेळाव्याचा महत्त्वपूर्ण सोहळा ठरणार असल्याचे आयोजकांनी सांगितले. तसेच या कार्यक्रमात सविता केदारे यांचे पुस्तक प्रकाशन करण्यात येणार आहे.सदरील कार्यक्रम रविवार, १६ ऑगस्ट २०२६ रोजी सकाळी १०.०० ते सायंकाळी ५.०० या वेळेत होणार असून, सर्व संबंधितांनी वेळेत उपस्थित राहून कार्यक्रम यशस्वी करावा, असे आवाहन नाशिक जिल्हा समन्वयक सविता केदारे व
मुख्य समन्वयक संदेश शालिनी संभाजी कर्डक यांनी केले आहे.
✍🏻मुख्य संपादक – अमीन नवाब शेख
