नांदगाव शहरात आद्यक्रांतिवीर उमाजी नाईक यांची जयंती मोठ्या उत्साहात साजरी
नांदगाव(प्रतिनिधी):- येथील प्रभाग क्र. २ मधील गोफणे चाळ येथे आद्यक्रांतिवीर उमाजी नाईक यांची जयंती अत्यंत उत्साहात आणि आनंदी वातावरणात साजरी करण्यात आली.कार्यक्रमाच्या सुरुवातीला रामोशी समाजाला न्याय मिळवून देण्यासाठी व ब्रिटिशांविरुद्ध लढा देऊन त्यांना कर न देण्याचा ऐतिहासिक निर्णय घेणारे आद्यक्रांतिवीर उमाजी नाईक यांच्या प्रतिमेचे पूजन अध्यक्ष भास्करभाऊ गोफणे यांच्या हस्ते करण्यात आले.याप्रसंगी बोलताना विजूभाऊ गोफणे यांनी उमाजी नाईक यांनी समाजासाठी केलेला संघर्ष आणि आपल्या समाजाला कसा न्याय मिळवून दिला, याबद्दल उपस्थित रामोशी समाजबांधवांसमोर सविस्तर विचार व्यक्त केले. त्यानंतर उपस्थित सर्व रामोशी व इतर समाजातील महिला-पुरुषांनी प्रतिमेचे दर्शन घेऊन पूजन केले.कार्यक्रमा दरम्यान शरदभाऊ गोफणे, मंगेशभाऊ गोफणे, योगेशभाऊ गोफणे, जितेंद्र गोफणे, अक्षय्य गोफणे आणि अजय गोफणे, सुरेश गोफणे यांनी आपले मनोगत व्यक्त केले.कार्यक्रमाचा निरोप घेताना रामोशी मातृशक्ती व इतर सर्व महिलांच्या वतीने उपस्थितांना मिठाई वाटप करण्यात आले. या कार्यक्रमास परिसरातील नागरिक व समाजबांधव मोठ्या संख्येने उपस्थित होते.
✍🏻मुख्य संपादक – अमीन नवाब शेख
