मनमाडमध्ये बकरी ईदच्या दिवशी मोठी दुर्घटना टळली; कब्रस्थानातील जुने निंबाचे झाड कोसळले, जीवितहानी नाही
मनमाड(अजहर शेख) :पवित्र बकरी ईदच्या दिवशी मनमाड येथील मुस्लिम कब्रस्थान आवारात एक मोठी दुर्घटना घडली. कब्रस्थानातील एक अत्यंत जुने आणि मोठे निंबाचे झाड अचानक कोसळले. सुदैवाने या घटनेत कोणतीही जीवितहानी झाली नाही, मात्र परिसराचे मोठे नुकसान झाले आहे.आज देशभरासह मनमाडमध्येही बकरी ईदचा सण मोठ्या उत्साहात साजरा केला जात आहे. या पवित्र सणाचे औचित्य साधून मुस्लिम बांधव आपल्या दिवंगत पूर्वजांच्या कबरवर (थडग्यांवर) दुवा पठण करण्यासाठी आणि फुले वाहण्यासाठी कब्रस्तानात मोठ्या संख्येने जात होते. नागरिकांची वर्दळ सुरू असतानाच अचानक हे अवाढव्य झाड उन्मळून पडले.झाड कोसळल्यामुळे कब्रस्तान परिसरातील वीज पुरवठा करणारे खांब तुटले आहेत. तसेच झाडाच्या अवाढव्य फांद्या खाली पडल्याने अनेक कबरचे (थडग्यांचे) देखील मोठे नुकसान झाले आहे.
मोठी जीवितहानी टळली
सणाचे औचित्य असल्याने कब्रस्तानात नेहमीपेक्षा जास्त गर्दी होती. मात्र, झाड कोसळत असल्याचे लक्षात येताच नागरिकांची धावपळ उडाली. झाड नेमके कबर असलेल्या भागावर कोसळल्याने आणि नागरिक वेळीच बाजूला सरकल्याने एक मोठी जीवितहानी सुदैवाने टळली आहे. या घटनेनंतर परिसरात काही काळ भीतीचे वातावरण निर्माण झाले होते.
✍🏻मुख्य संपादक – अमीन नवाब शेख
