मनमाड(प्रतिनिधी):- नागापूर येथे चौथ्या रेल्वे लाईनचे काम चालू झाल्यामुळे कऱ्ही ते नागापूर रस्ता शेतकऱ्यांची व पवारवाडी येथील रहिवाशांची येण्या जाण्याची अडचण आणि कऱ्ही ते नागापूर हा तब्बल दहा गावांना जोडणारा प्रमुख रस्ता परंतु त्या ठिकाणी रेल्वेचा ब्रिज कमी उंचीचा असल्यामुळे कोणतेही मोठे वाहन पास होत नाही. तरी सर्व कऱ्ही ते नागापूर पवार वस्ती शेतकरी व तसेच आठ ते दहा गावाच्या नागरिकांना चार ते पाच किलोमीटर अंतर लांब फेरा मारून जावे लागते. त्यामुळे नागापूर येथे रेल्वे पुलाची किंवा भुयारी बोगद्याची अत्यंत आवश्यकता आहे. हा बोगदा किंवा पूल व्हावा यासाठी आज रोजी जिल्हा परिषद चे मुख्य कार्यकारी अधिकारी ओमकार पवार यांना आपल्या गावची लोकनियुक्त सरपंच राजाभाऊ पवार यांचे वतीने गणेशराजे पवार व पवार वस्तीचे शेतकरी निवृत्ती पवार यांनी निवेदन दिले व मुख्य कार्यकारी अधिकारी ओमकार पवार यांनी सकारात्मक प्रतिसाद दिला. सदर प्रस्ताव हा जिल्हाधिकारी महोदयाकडे तात्काळ सादर करतो आणि मंजूर करण्याचा प्रयत्न करतो असे आश्वासन दिले.
✍🏻मुख्य संपादक – अमीन नवाब शेख
